Sekretari për Marrëdhëniet me Shoqërinë Civile dhe Mediet në PS, Alfred Peza, deklaroi sot se “vendimi i djeshëm i Kolegjit Zgjedhor në lidhje me procesin e 30 qershorit largoi çdo re dyshimi për secilin skeptikët e fundit që kishte mbetur pa i mbushur mendja se 30 qershori do të zhvillohej”.
Në një intervistë për televizive, Peza theksoi se “edhe ndërkombëtarët menjëherë pas dhënies së vendimit nga Kolegji Zgjedhor përfshirë BE dhe SHBA e dhanë gjykimin e tyre”.
“Nga ana tjetër SHBA i ka paralajmëruar liderët e opozitës së rrugës të mos vazhdojnë me filozofinë e dhunës, sepse do të klasifikohen si organizata të dhunshme, një hap i ndajnë organizatat e dhunshme me klasifikimin e listës së zezë të Departamentit Amerikan të Shtetit nga organizatat terroriste dhe kjo do ti çonte të dilnin jashtë sistemit politik dhe liderët apo drejtuesit e tyre të përjashtoheshin përjetësisht nga e drejta për të udhëtuar drejt SHBA”-, nënvizoi Peza.
Sipas tij, nuk ka qytetarë shqiptarë që do të shkojë në burg për krime elektorale se ka hall personal Basha, Berisha, Meta e Kryemadh.
“Ata hallet e tyre ti zgjidhin brenda familjes së tyre politike kjo nuk i intereson shqiptarëve”, – tha ai.
Sekretari për Marrëdhëniet me Shoqërinë Civile dhe Mediet në PS, Alfred Peza tha gjithashtu se “të kujtohesh pas 2 vjetësh pasi ti e ke pranuar rezultatin e zgjedhjeve, ke qenë pjesë e qeverisë me gjysmën e ministrave dhe drejtorët e agjencive kryesore kombëtare, është shumë vonë. Këto nuk janë shkaqe, por sebepe për halle të tjera”.
“Halli i dihet opozitës së sotme, liderët e kanë problemin me reformën në drejtësi, po ngrihet SPAK dhe BKH për të gjitha krimet dhe korrupsionin që ata kanë bërë në 30 ata ta harrojnë se përmes këtyre lojërave duke iu shmangur votimeve do ti shmangen edhe drejtësisë”, – u shpreh Peza.
Sipas tij, hallin e kanë ata, nuk e kanë as qytetarët shqiptarë as PS, as 42 partitë e tjera dhe kandidatët që janë regjistruar në zgjedhjet e 30 qershorit.
“Reforma në drejtësi do të përfshijë atë pjesë të politikës shqiptare , majtas e djathtas, nuk ka ngjyrim partiak. Lidershipi i opozitës së rrugës ka më tepër frikë sa kërkon ta marrë pushtetin në tavolinë me të tilla forma. E keni programin me 10 pika të qeverisë tranzitore, ku 5 prej 10 pikave kanë të bëjnë me zhbërjen e reformës në drejtësi, çka do të thotë se qëllimi i vërtet, frika e vërtetë, thelbi i kësaj lëvizje është zhbërja e reformës në drejtësi për frikën që i ka zënë. Nuk ia qajmë dot hallin, është halli tyre , jo i shqiptarëve”-, përfundoi Peza.(ATA)/l.m
