Ish-Presidenti Alfred Moisiu ka folur për vizitën që i bëri ish-Presidentit të Kosovës, Hashim Thaçi.
Moisiu tregoi se burgu ku rrinte Thaçi ishte me 7 porta ndërsa shtoi se i erdhi rëndë kur pa një ish-president të mbyllur atje.
“Ai ishte një burg me 7 porta me çelës të ndryshëm, njëri i mbyllte e tjetri i hapte. Pra një burg me siguri të jashtëzakonshme. Më erdhi shumë rëndë kur pashë një ish-president të mbyllur atje. Të shikoje këta njerëz që sakrifikuan jetën dhe familjen e tyre, gjithçka që kishin, vunë kokën në rrezik. Ata mbaheshin mirë, me kurajo, kishin besim tek drejtësia por unë për veten time nuk kam shumë besim. Kjo është për t’i bërë qejfin serbëve.
Në periudhën e luftës, në shkollë bënim mbledhje klandestine dhe gjithmonë na thuhej çdo bëhet me Kosovën sepse armiku është i përbashkët. Në shkollat shqiptare në vitet ’36-‘37, ne këndonim për Kosovë e Çamëri, ja vdekje ja liri. Pra ishim edukuar për të kërkuar llogari se perse këta njerëz janë atje dhe jo këtu me ne,”- tha ai.
/a.r
Një shkrim shumë i dhimbshëm por real ,për ATA që bënë Epopenë e lavdishme të UÇK-SË..Ndiej dhimbje pa fund.. Faleminderit shuuume Monsieur Moisiu.Je një PATRIOT i vërtetë .Të dua shumë,se je i vetmi President Shqiptar që i dhe një emër të nderuar Shqipërisë dhe presidencës..Paç shëndet e jetë të gjatë dhe lumturi familjare pa fund ❤️