Udhëheqësi politik ultranacionalist rus Vladimir Zhirinovsky ka ndërruar jetë në moshën 75-vjeçare, pas një karriere të ndërtuar mbi skandale të shumta.
Dhjetorin e kaluar ai duket se kishte parashikuar se Rusia do të sulmonte Ukrainën.
Zhirinovsky pretendote se kishte bërë tetë vaksina kundër Covid-19. Ai u infektua me koronavirus dhe vdiq disa javë pasi u shtrua në spital me pneumoni.
Vdekja e tij u konfirmua nga kryetari i parlamentit Vyacheslav Volodin të mërkurën, pasi dy raporte në fillim të këtij viti ishin refuzuar.
Në një nga paraqitjet e tij të fundit para deputetëve, ai tha se Rusia do të pushtonte Ukrainën dhe parashikoi afërsisht edhe ditën kur kjo do të ndodhte.
“Në 04:00 të datës 22 shkurt do të ndjeni politikën tonë të re. Do të doja që viti 2022 të ishte paqësor. Por e dua të vërtetën, për 70 vjet kam thënë të vërtetën. Nuk do të jetë paqësor. Do të jetë një vit kur Rusia edhe një herë do të bëhet e madhe”.
Para se të hynte në politikë, Zhirinovsky drejtoi një organizatë kulturore hebraike të miratuar nga shteti sovjetik. Rusët dhe Perëndimi u tronditën kur partia e tij fitoi zgjedhjet e para demokratike të Rusisë në vitin 1993./m.j
