Aleatët e kreut të PD-së ashtu si kishin njoftuar kanë zhvilluar një takim me presidentin Ilir Meta, për krizën politike.
Pesë kryetarët e partive të grupimit të qendrës së djathtë PR, LZHK, PPA, PBDNJ dhe PDK mbërritën në Presidencë për takimin që nisi në 11:00 dhe u mbyll në 12:06
Pas daljes nga presidenca ishte kreu i PR Fatmir Mediu që foli në emër të grupit të aleatëve të djathtë.
Mediu falenderoi presidentin për takimin dhe theksoi se situata është problematike dhe të gjithë nuk dëshirojnë që vendi të shkojë në konflikt.
“Ndajmë të njëjtin shqetësim që situata është problematike, dhe duhet të pengojmë mos të shkojmë në një konflikt.
Presidenti ka bërë gjithcka që reforma në drejtësi të jetë në përputhje me garantimin e pushtetit të pavarur të gjyqësorit, për të mos arritur në këtë ditë që nuk kemi gjykatë Kushtetuese dhe të Lartë. Presidenti ka marrë iniciativa dhe do të vazhdojë në këtë rrugë që të jenë zgjedhje pluraliste dhe sa më përfshirëse.
Presidenti vlerësoi kërkesën e partive tona, në vlerësim të kërkesës tonë do të marrë qëndrimet e veta në diskutim edhe me palët e tjera. Presidenti është në të njëjtën valë shqetësimi si gjithë qytetarët shqiptarë, por ka edhe angazhimin që palët të gjejnë zgjidhje për të mos shkuar në dëm të interesave të vendit”, tha kreu i Partisë Republikane Fatmir Mediu.
g.kosovari
