Me sa duket Partia Agrare Ambientaliste e ka marrë seriozisht përgatitjen për zgjedhjet e 18 qershorit, vetëm një ditë pas shtyrjes së afatit të regjistrimit të partive politike me 19 prill.
Deklarimi i kandidatëve për deputetë në qarkun e Fierit, është një hap i Dukës larg Bashës. Kreu I PAA Agron Duka i shoqëruar nga stafi I ngushtë i tij kanë zhvilluar një takim me anëtarë e simpatizantë të partisë që ai drejton duke prezantuar edhe kandidatët për deputetë, raporton Tema.
Duka në fjalën e tij para të pranishmëve që kishin mbushur plot sallën e teatrit “Bylis” ka pohuar ndër të tjera se “Ne, jo unë, duhet të ndryshojmë nga ky model politike sepse politikën nuk e bënë një person por jeni ju që na mbështesni ne duke u bërë aktor të projekteve politike. Nuk është më shqipëria e 97 , sot jemi vend anëtar i NATO-s, fantazmat po trokasin. Politikanët me kokëfortësinë e tyre po na sjellin situatë të pakëndëshme politike. Ne jemi në aleancë me PD. Në këtë situatë nuk mund të ketë zgjedhje të ndershme”, deklaroi Duka.
Kandidatët për deputetë Olsi Çukaj i pari në listën e PAA për qarkun Fier dhe Eduart Sharka I dyti, kanë pohuar se PAA është partia që përfaqëson e do të luftojë për ju, për fermerin shqiptar, pasi është baza e prodhimtarisë në vend. Pas aktivitetit Duka i shoqëruar nga stafi i tij kanë takuar pjesmarës në këtë aktivitet.
c.a
