Regjisori Robert Budina në Report Tv është shprehur se deri më tani janë mbledhur rreth 14 mijë firma nga turi nëpër qytetet kryesore të vendit.
“Jam shpresëplotë që në një të ardhme do të ndryshojë vendi. Duhet të ndryshojë kjo qasje edhe pse do të jetë e vështirë. Ka një pjesëmarrje të jashtëzakonshme, u mblodhën 5 mijë e ca një ditë pas shembjes, 1 mijë deri në 2 mijë firma në ditë”, ka thënë Budina.
Ai ka theksuar se peticioni është më shumë çështje simbolike për të parë mbështetjen e të gjithë njerëzve dhe se ata nuik po krijojnë një parti edhe pse kanë pasur mbështetjen e PD-së.
Në lidhje me reagimin e presidentit Meta, ai thotë se shpresonin që presidenti të bënte diçka për të shpëtuar Teatrin Kombëtar.
“Mendoj që të gjitha palët duhet të kishin bërë maksimumin, por se kemi mbështetur kurrë tek premtimet që mund të japin. Shpresonim që presidenti të bënte diçka, sepse premtoi disa hapa që nuk ndodhën. Nuk jam i zhgënjyer sepse nuk e kam vendosur fatin e teatrit tek presidenti”, thotë regjisori.
Aleanca për Teatrin ka planifikuar një tjetër protestë masive në Tiranë. “Jemi në kontakte me figura të shquara pjesë e artit, nuk kemi një datë të mundshme por në javët në vijim do të ndodhë”, thotë Budina
/e.rr
