Aleanca Kuq e Zi ka bllokuar sot hyrjen për në “Rrugën e Kombit” për të kundërshtuar dhënien e saj me koncesion për 35 vite. Aktivistët e AK përdorën bomba tymuese për bllokimin, ndërsa në duar mbanin flamuj kuq e zi.
Kreu i Aleancës, Kreshnik Spahiu e cilësoi pagesën prej 10 eurosh si të papranueshme, pasi kjo rrugë është ndërtuar me fonde publike.
“Rruga është ndërtuar me taksat e shqiptarëve. Qeveria vendos gjobën 10 euro. Kjo është e papranueshme, do ta ndezim flakë gjithë Shqipërinë që ky popull të mos vidhet”, tha Spahiu.
BW
