Kreu i PD-së Sali Berisha është shprehur se Rozeta Dobi e cila ndodhet në burg pasi vodhi mbi 120 mijë euro në shtëpinë e Alda Klosit, po kërcenohet nga qeveria që mos të flasë.
Sipas tij, Dobi duhet të shpallet e penduara e drejtësisë ndërsa shtoi se çelësat e kasafortës kësaj të fundit i janë lënë në dorë nga vetë Klosi.
“Janë bërë me dhjetëra kronika, me dhjetëra raportime, por një enigmë ku qëndron edhe çelësi i të vërtetës, nuk është trajtuar në dimensionin e duhur. Nuk është trajtuar raporti Rozeta-kasaforta. Sipas të gjitha të dhënave, Alda Klosi ose i mbante paratë në dyshek dhe flinte, se maniakët e parave, ndjehen komfort kur flenë në dyshekë të mbushur me parë, ose ajo i dha kodin e kasafortës. Ia dha në roje. Ia dha në mirëbesim.
Pra, këtu qëndron edhe rebusi. Ndërkohë, Rozeta Dobi ka marrë kërcënime nga më të mëdhatë. Qeveria ka bërë ëdo përpjekje për t’i mbyllur gojën asaj. Gjithçka është bërë dhe ajo realisht e kërcënuar shumë. Thirrja ime është që ajo të shpallet e penduar e drejtësisë. Çka nuk ndodh. Se kjo e lemerit Edi Ramën dhe Arben Ahmetajn”- tha ai.
/s.f
