Shumica e albitrave më tepër do të preferonin të kalonin një pasdite në karrigen e dentistit sesa të shihnin emrin e tyre në ballina të gazetave. Në botën e tyre, anonimiteti nënkupton se është bërë puna mirë.
Kështu që duhet t’i falet Bibiana Steinhausit kur rrotullon sytë derisa mendon se sa herë emri i saj është përmendur në lajme të futbollit, shkruan “The Neë York Times”, transmeton “Koha Ditore”.
Ishte një ndeshje e meshkujve që e drejtoi shtatë vjet më parë kur një lojtar aksidentalisht ia preku gjoksin.Ishte një kohë në vitin 2014 kur Pep Guardiola, trajneri i Bayern Muenchenit atëbotë, aksidentalisht vuri dorën në të – fillimisht në zemërim, e më pas duke kërkuar falje – derisa ajo po bënte punën e referit të katërt.
Ishte një ndeshje e Kupës së Gjermanisë, këtë verë, kur Franck Ribery në shaka ia kishte zgjidhur lidhësen e këpucëve para një gjuajtjeje të lirë.
Steinhaus 38-vjeçare, kishte shmangur me mençuri këto momente kur ndodhën, por për zemërimin e saj, secili incident ishte kapur në video, dhe secili kishte bërë bujë.
“Unë punoj fort për 20 vjet dhe bëhem e famshme për ato gjëra?” thotë Steinhaus, derisa qesh… (b.an)
