Ish kreu i Lëvizjes Vetëvendosje Albin Kurti deklaroi se protesta e nesërme e opozitës do të jetë më e madhja dhe më masivja që nga përfundimi i luftës.
Kurti tha në një konferencë për median se pushteti aktual është në panik teksa populli ndihet entuziast dhe se ndryshimet do të vijnë pikërisht prej tij.
Në lidhje me zgjedhjen e Presidentit të ardhshëm të Kosovës, Kurti tha se VV do ta kundërshtojë me çdo kusht dhe çdo mjet zgjedhjen e Hashim Thaçit, emri mnë i lakuar për të mbajtur këtë post.
Ish-kreu i Vetëvendosjes ka folur edhe për atë se sa respektohet flamuri i Kosovës, duke thënë se asnjë aktivist nuk i dëmton simbolet e shtetit, por sipas tij, ky flamur që ka Kosova nuk është i dashur për qytetarët dhe nuk kanë dëshirë t’ia imponojnë popullit.
Ai arrestimet e fundit i ka quajtur taktika të shtetit policor.
