Kryeministri Albin Kurti në mbledhjen e sotme të qeverisë, që është zyrtarisht mbledhja e parë, ka marrë vendim për shkarkimin e koordinatorëve, të cilët ishin emëruar nga Ramush Haradinaj.
Në mesin e koordinatorëve të shkarkuar është edhe Mendim Rugova, djali i Presidentit historik Ibrahim Rugovës. Mendim Rugova, në vitin 2018, ishte caktuar koordinator nacional për ambientin.
Kryeministri i ri i Kosovës, Albin Kurti në mbledhjen e sotme të qeverisë shfuqizoi vendimin e ish-kryeministrit Ramush Haradinaj për rritjen e pagave. Me këtë vendim shefi i ri i qeverisë i ka ulur pagën vetes, ministrave, zëvendësministrave dhe shumë zyrtarëve të tjerë të lartë. Nga ky vendim nuk preken pagat e prokurorëve dhe gjyqtarëve. Gjithashtu është marrë vendim që zyrtarët që e kanë përfunduar mandatin të mos vazhdojnë të marrin përfitime.
/a.r
