Presidenti i Republikës, Bajram Begaj, uroi të dielën Kryeministrin e rizgjedhur të Australisë, Antonio Albanese, i cili fitoi një mandat të dytë për të drejtuar vendin.
“Urime Kryeministër Antonio Albanese për rizgjedhjen tuaj! Teksa Shqipëria dhe Australia gëzojnë marrëdhënie të ngrohta dhe miqësore, jemi krenarë të shohim një udhëheqës me rrënjë arbëreshe në krye të një vendi të madh dhe njërit prej partnerëve tanë. Urojmë që bashkëpunimi ynë të vazhdojë të thellohet në vitet në vijim.”, shkruan Presidenti i Republikës, Bajram Begaj, në profilin e tij zyrtar në X.
