Kush e shihte TVSH-në para vitit 1997, e ka të vështirë të mos e mbaje mend Vjollca Vokshin. Sot ajo jeton në Venezuelë, ndërkohë që e motra, Albana Vokshi, deputete e PD-së, ka rrëfyer për Rudina Magjistarin, jetën e motrës së saj.
Sipas Albanës, Vjollca jeton në Venezuelë prej shumë vitesh së bashku me vajzën e saj 13-vjeçare Martina. Disa vite më parë, bashkëshorti italian është ndarë nga jeta, ndaj Vjollca i është përkushtuar së bijës dhe jetës që ka ndërtuar në Venezuelë.
E pyetur për arsyen e largimit nga ekrani dhe pastaj edhe nga Shqipëria, Albana tregon se në vitin ’97, kohë kur në Shqipëri kishte plasur lufta, Vjollca ishte kërcënuar me jetë:
“ Vjollca u largua nga profesioni pas 97-ës, madje jo vetëm ajo, por të gjithë familjarët e mi u hodhën në rrugë. Edhe motra ime e madhe Moza, mbeti pa punë…”
Sapo la TVSH-në, Vjollca në atë kohë filloi punë në radio Kontakt, e para radio në ato vite e cila u bë një zëri i vetëm me anë të të cilit qytetarët shqiptarë mund të flisnin.
Siç tregon më tej Albana, edhe aty Vjollca nuk do të shihte të ardhme, sepse shumë shpejt u detyrua të largohej:
“Vjollca pati shumë kërcënime, madje edhe me jetë, kështu që u detyrua të largohet për Itali, sepse qeveria e asaj kohe ushtronte presion të jashtëzakonshëm.
U largua për të mos u kthyer më.
Pas disa kohësh në Itali, në Bari, u zhvendos në Venezuelë.
Bashkëshorti i saj italian (nuk jeton më), kishte punuar ca kohë në Venezuelë dhe kishte atje një firmë ndërtimi, kështu që kishte një pikë lidhjeje me atë vend…” tregon më tej Albana.
Edhe pse familja sot e kësaj ditë vijojnë t’i luten që të rikthehet dhe të fillojë sërish në media, si dikur, Vjollca nuk është akoma e bindur:
“Ende nuk po bindet, ka preferuar të qëndrojë, sepse preferon të jetë larg mediave për aq kohë sa ta vendosë…”, thotë Albana.
Nga Aruba, vendi ku punon, shumë afër Venezuelës, Vjollca i dërgoi një videomesazh së motrës:
“Kam vetëm dy fjalë admirimi për më luftaraken, më të mirën në të gjithë fushat…
Jam e bindur dhe e sigurt se me karakterin që ka Albana vetëm do të ngjisë shkallë më shumë… Meriton më të mirat. Do të shihemi shpejt… “ – tha ndër të tjera Vjollca në mesazhin e saj për Albanën.
ma.me
