Në një prononcim për RTSH Sport, pas mbylljes së dy fazave të para, është kapiteni i Partizanit, Alban Hoxha, i cili komenton situatën në kampin e kuq, edhe pas ardhjes së trajnerit Gega.
“Specialistët e sportit mund të gjykojnë paraqitjen time, nuk mund ta them unë për veten time. Unë mendoj se kam bërë mirë. Unë e shoh ndeshjen ndryshe nga porta, dhe jam munduar ta orientoj ekipin.
Nuk jam vetëm unë lider te Partizani, do përmendja Trashin, Telushin, ka shumë lojtarë cilësorë me eksperiencë. Kundërshtarët nuk janë më të dobët, të gjitha ekipet kanë treguar që dinë të luajnë mirë. Kemi pasur vështirësi edhe me ekipet e dorës së dytë. Mendoj se grupi është i mirë, ka hyrë një mentalitet fituesi.
Edhe trajneri Gega ka fytyrë një frymë shumë të mirë, kjo shihet, jo se dua t’i them për të bërë qefin. Nëse gabojmë sa më pak, do qëndrojmë në krye deri në fund” – deklaroi Hoxha.
