Sulmuesi i Milanit, Emil Roback është aktualisht në huazim te klubi suedez Norrköping, por ai ka munguar për 14 ditët e fundit të stërvitjes. La Gazzetta dello Sport ka raportuar se ka një mister rreth Roback, i cili nuk është parë apo dëgjuar prej tij gjatë 14 ditëve të fundit dhe madje edhe klubi i tij nuk ka arritur të krijojë kontakte me 20-vjeçarin gjatë kësaj kohe.
Drejtori sportiv i Norrköping, Tony Martinsson, ka ngritur alarmin në Suedi, duke deklaruar se ai kërkon garanci se lojtari është mirë, por ai nuk ka mundur të kontaktojë lojtarin. Martinsson gjithashtu e ka bërë të qartë se sapo të gjendet Roback, klubi është i prirur të gjejë një zgjidhje për situatën e lojtarit.
“Dua të di nëse është mirë. Është shqetësues fakti që nuk kontaktojmë dot me të. Unë jam përpjekur shumë herë të flas me të, por është e vështirë për t’u arritur. Dua që Emil të vijë këtu në klub dhe të gjejmë një zgjidhje që do na kënaqte të gjithëve. Nuk i kam humbur shpresat e rikthimit të tij. Por, ne e kemi shumë të vështirë të kuptojmë situatën, pasi nuk e kemi parë prej 14 ditësh”, thekson drejtuesi i klubit nordik.
Milani është në kontakt me Norrköping dhe me agjentin e sulmuesit ditët e fundit dhe një takim mund të zhvillohet mes lojtarit dhe klubit të tij të huazuar në ditët në vijim, nëse ai përgjigjet në telefon. Roback ishte bashkuar me Norrköping në mars të vitit 2023 dhe qëndrimi i tij atje përfundon në verën e 2025./m.j
