Presidenti Donald Trump vazhdon të bëjë thirrje nëpërmjet telefonit celular pavarësisht nga fakti që shërbimet sekrete nga Kina dhe Rusia dëgjojnë telefonatat e tij, njofton Javanews.
Raporti i New York Times, duke cituar zyrtarët e tanishëm dhe të mëparshëm, tha se spiunët kinezë kanë dëgjuar thirrjet e Trump në celularin e tij personal të tipit iPhone dhe se ndihmësit e Presidentit i kishin thënë atij se spiunët rusë po dëgjonin rregullisht atë që ai thoshte në telefon.
Përdorimi i telefonit nga Trump është vënë re publikisht dhe ekspertët e sigurisë kanë ngritur shqetësime edhe në të kaluarën. CNN vuri në dukje në prill që pasi John Kelly u bë shefi i stafit të Presidentit, Trump bëri më shumë thirrje përmes centralit të Shtëpisë së Bardhë, por më herët Presidenti kishte bërë një numër të madh thirrjesh përmes celularit të tij.
Raporti i New York Times tha se zyrtarët amerikanë kanë ngritur një alarm në lidhje me refuzimin e Trump për të ndaluar thirrjet e pasigurta, shkruan Javanews.
Këta zyrtarë i thanë Times se Kina po përpiqej të përdorte përgjimet e saj në celularin e Trump, për të ndihmuar vendin në mosmarrëveshjen e saj tregtare me SHBA dhe se kinezët kishin vërejtur bisedat e Trump me Stephen Schwarzman, kreu i Grupit Blackstone dhe Steve Wynn, një figurë e njohur në Las Vegas, i cili kreu investime të mëdha në Macau, duke hapur një qendër kumari në Kinë.
Kina, nga ana tjetër, ka filluar përdorimin e biznesmenëve të saj në përpjekje për të ndikuar njerëzit që flasin shpesh me presidentin Trump, sipas raportit të New York Times.
Siç vërente raporti, Trump i tregoi Wall Street Journal këtë javë se ai kishte shqetësime për informacionin e transmetuar nëpërmjet telefonit të tij.
“Në të vërtetë u thashë mos më jepni informacion nëpërmjet telefonit,” tha Trump për lajmet mbi vdekjen e gazetarit saudit Jamal Khashoggi. “Unë nuk dua që të marr informacion në telefon. Sado të mirë që këto telefona duhet të jenë”, njofton Javanews.
