Një objekt i dyshimtë në stadiumin e Hanoverit ka bërë që forcat e sigurisë të evakuojnë menjëherë vendin ku do të mbahej ndeshja miqësore mes kombëtares Gjermane dhe asaj të Hollandës. Stadiumi i Hanoverit me në kapacitet prej 49 mijë vendesh do të priste po ashtu edhe kancelaren gjermane Angela Merkel.
Forcat policore i kanë bërë thirrje tifozëve që të shkojnë qetësisht nëpër shtëpitë e tyre pasi ndeshja është anulluar. Vendimi erdhi më pak se 90 minuta para nisjes së miqësores, ndërkohë që në stadiumin e Ëembley, në Britani, ndeshja e parashikuar mes Francës dhe Anglisë do të zhvillohet në orën e parashikuar, më 21: 00.
Pas ngjarjeve të së premtes në Paris e gjithë Europa është në gjëndje alarmi, e sidmos për rastet dhe vendet ku mblidhen turma të mëdha njerëzish, të cilat mbeten targeti i preferuar i xhihadistëve. Të premten 13 nëntorit, pranë stadiumit “Stade de France” dy kamikazë shpërthyen veten.
