Autoritetet kineze kanë këshilluar banorët e 10 qyteteve që të mos dalin nga shtëpia, pasi në disa zona urbane është dhënë alarmi i kuq ndaj smogut që ka mbuluar verilindjen e Kinës.
Javën e kaluar, autoritet përkatëse paralajmëruam se shumë zona të Kinës do të goditeshin rëndë nga ndotja e ajrit. Ndërkohë, fundjavën e shkuar, kryeqyteti Pekin regjistroi alarmin e dytë të kuq në historinë e tij. E njëjta shkallë ndotje është arritur edhe në portin industrial Tianjin.
Me shpalljen e alarmit të kuq për ndotjen, autoritetet këshillojnë njerëzit që të qëndrojnë në shtëpi. Gjithashtu, shkollat u mbyllen dhe u kufizua përdorimi i automjeteve.
Ministria e Ambientit deklaron se alarmi i kuq është shpallur edhe në qytetet Dezxhu, Handan, Hengshiu e të tjera. Sipas një njoftimi për shtyp nga ana e Ministrisë, ata janë mes 30 qyteteve përfshirë Pekinin që po përjetojnë ndotje ekstreme.
Ndërsa, 20 qytete të tjera janë në listën e atyre që kanë ndotje të rëndë. Pamjet e njerëzve me maska dhe qyteteve të mbuluara nga smogu janë bërë tashmë diçka e zakonshme në Kinë, ku njerëzit akuzojnë gjithnjë e më shumë autoritetet se nuk po bëjnë asgjë për të përmirësuar cilësinë e ajrit të vend. Nga ana tjetër, qeveria kineze premton se do të marrë masa për të pakësuar ndotjen.
