Shifra mjaft alarmante shënohen për dhunën ndaj grave në Tiranë.
Brenda 24 orëve, në kryeqytet konstatohen 6 ngjarje të dhunës së burrit ndaj gruas.
Sipas Policisë së Tiranës burrat kanë dhunuar fizikisht dhe psikologjikisht bashkëshortet e tyre.
Mësohet se për gratë e dhunuara është lëshuar urdhër i menjëhershëm mbrojtje.
Ndërkohë për burrat, blutë e qytetit kanë referuar materialet në Prokurori për “Dhunë në Familje”.
Fenomeni i dhunës ndaj grave vijon të jetë i lartë sipas Policisë. Në Tiranë çdo muaj lëshohen rreth 100 urdhra mbrojtje.
Një fakt i tillë tregon se burrat ende vijojnë të dhunojnë gratë.
Sipas Policisë shumica e rasteve të dhunës në familje vijnë për shkak të konflikteve që mund të kenë familjet, mungesa e të ardhurave por edhe probleme të tjera.
c.a
