Zonat përreth Harkut të Triumfit dhe Kullës Eiffel në Paris u evakuuan pasditen e sotme, pas një alarmi për bombë dhe zbulimit të një qese plumbash nga policia.
Dy faqe lokale franceze të lajmeve treguan fotografi të një qese blu me lloje të ndryshme municioni, shkruan Reuters.
Franca është në gatishmëri të lartë pas prerjes së kokës së një mësuesi në fillim të këtij muaji nga një mysliman i zemëruar për përdorimin e karikaturave të Profetit Muhamed në një orë mësimi.
Ka pasur disa alarme të rreme për bombë, së fundmi në stacionin hekurudhor Lyon javën e kaluar dhe në Kullën Eiffel një muaj më parë.
/e.rr
