Në një avion izraelit të linjës New York-Tel Aviv u dha alarmi për vendosjen e një bombë.
Sinjalizimi u dha në momentet kur avioni po përshkonte territorin zviceran. Menjëherë në ajër janë ngjitur dy avionë gjuajtës zviceran të cilët shoqëruan avionin Boeing 747. Një person i paidentifikuar dha alarmin për bombën në bord, informacin i cili u përcoll në kullën e kontrollit nga piloti i avionit.
Dy avionë F-18 u ngritën në rajonin verior të Zvicrës. Pas disa orësh fluturim, avioni mbërriti në Tel Aviv ku bëri ulje normale. Nga raportimet bëhet me dije se në avion nuk u gjet bombë.
