Ukraina ka dhënë alarmin në lidhje me centralin bërthamor të Zaporizhzhias, pas sulmeve të Rusisë në atë rajon.
Zëvendëskryeministrja e Ukrainës, Iryna Vereshchuk, u ka kërkuar banorëve të zonave të pushtuara nga Rusia rreth termocentralit bërthamor të Zaporizhzhia që të evakuohen për sigurinë e tyre.
“U bëj thirrje banorëve të rretheve ngjitur me termocentralin bërthamor të Zaporizhzhisë, evakuoni! Gjeni një mënyrë për të arritur në territorin e kontrolluar ukrainas”, shkroi Vereshchuk në një postim në Telegram.
Qyteti Enerhodar, i cili i shërben centralit bërthamor, është vënë nën zjarrin e sulmeve ruse dhe ka humbur energjinë elektrike, referuar deklaratave të kryebashkiakut të këtij qyteti.
/e.d
