Një ngjarje e rëndë, fatmirësisht pa paspoja në jetë njerëzish, raportohet të ketë ndodhur në fshatin Mehallas, Divjakë, mbrëmjen e sotme.
Nga informacionet e para mësohet se shtetasi Artan Kaboci është përfshirë në një konflikt në fshatin e tij dhe pas saj nën presionin e armës ka marrë me forcë makinën e policisë dhe është arratisur.
Ai është larguar në drejtim të paditur, por më pas është lokalizuar dhe RENEA kanë bërë të mundur arrestimin e Kaboçit dhe e kanë neutralizuar atë. Për momentin ai ndodhet në komisariat.
Autori dyshohet se ka qenë nën efektin e pijeve alkoolike dhe ka probleme të shëndetit mendor, ndërsa policia ka shkuar në vendin e ngjarjes dhe po punon për zbardhjen e plotë të saj.
Një postbllok i policisë, i cili nuk lejon të futesh në fshatin Mëhallas, ndërsa e gjithë zona është e rrethuar nga forca të shumta policie.
Po ashtu raportohet se në vendngjarje ka mbërritur edhe drejtori i policisë së qarkut Fier, Bledar Çeliku, shoqëruar nga tre makina të blinduara policie dhe pesë patrulla të tjera.
g.kosovari
