Babai dhe agjenti i David Alabas, George Alaba, ka konfirmuar se anësori i Bayern Munichut është synim i Real Madridit gjatë kësaj vere.
Austriaku që përdoret në disa pozita të fushës, është lidhur me një largim nga Bayerni dhe për të kanë shprehur interesim Reali e Barcelona.
“Të gjithë e dinë se Real Madridi është i interesuar në Davidin”, ka thënë George Alaba për gazetën spanjolle AS. “Por nuk mund të themi asgjë tani”.
“Të shohim çfarë do të ndodhë verës. Tani nuk është momenti të diskutojmë se kush është i interesuar për të. Të gjithë e dinë për interesimin e Madridit, nuk është sekrete.
Por tani nuk kam çfarë të them. Duhet të pres dhe të shoh në fund të sezonit”, përgatiti Koha. (b.an)
