“Gjithçka ndodhi kur unë isha në gjumë, nuk kam lidhje me vrasjen”, kështu është shprehur 39-vjeçari grek i cili u arrestua për vrasjen e gruas së tij shqiptare shtatzënë, 41-vjeçares Gjeorgjia Murati.
Në dëshminë e tij në polici ai ka deklaruar se natën e Vitit të Ri kishte pirë ilaçe për gjumë dhe nuk kishte ndjerë asgjë se çfarë kishte ndodhur.
“Kur u zgjova në mëngjes gruaja nuk ishte në shtëpi” është shprehur 39-vjeçari.
Ai pretendon se shoku i tij, së bashku me një bashkëpunëtor të panjohur vranë Gjeorgjinë dhe ai vetë nuk e kuptoi sepse ishte në gjumë.
“Nuk kam bërë asgjë, gjithçka ka ndodhur natën teksa flija”, mësohet të ketë thënë ai në polici.
NGJARJA
Sipas informacioneve, agresorët kanë pritur që 41-vjeçaren Gjeorgjia Murati të kthehej në shtëpi dhe sapo ajo ka kaluar nga dera e përparme e kanë sulmuar. Më pas ajo u dërgua në dhomën e gjumit ku partneri i saj e plagosi për vdekje me një objekt të mprehtë në zonën e qafës së mitrës. Më pas e futën në një bagazh dhe e çuan në një zonë të largët të Halkidikit, ku e hodhën trupin në një luginë.
Autorët, pasi janë kthyer në vendin e krimit, kanë tentuar të fshehin gjurmët, duke pastruar banesën nga provat, të cilat i kanë hedhur në vende të ndryshme në zonën e gjerë të Kalamarisë.
Bëhet fjalë për rroba, sende personale të 41-vjeçares, si dhe dyshekun e krevatit mbi të cilin u vra Gjeorgjia. Madje, për të mashtruar autoritetet policore, pas krimit kanë vendosur një dyshek tjetër në shtrat./m.j
