I arretuar një ditë më parë, ish-deputeti i PD-së, Klevis Balliu akuzon policinë për dhunë gjatë shoqërimit për në komisariatin nr. 6 pas protestës te Astiri, ku u tentua të pengohet eskorta e kryeminstrit Rama.
Balliu madje ka kërkuar një aktekspertim për dhunën, të kryer tashmë nga mjekët ligjorë, të cilët kanë përpiluar një raport dhe e kanë dërguar atë në Prokurori.
Balliu akuzohet për veprat penale “kundërshtim me dhunë ndaj punonjësve të policisë”, “prishje e qetësisë publike” dhe “pengim i qarkullimit të mjeteve të transportit”.
Ish-deputeti po mbahet në Drejtorinë e Policisë së Tiranës ndërsa nesër pritet të përballet në Gjykatë me akuzat e ngritura.
/a.rada
