Gjykata e Posaçme ka caktuar masën e sigurisë “arrest me burg” pa afat për Leonard Dukën.
37 vjeçarin i cili u ekstradua 2 ditë më parë nga Belgjika pasi ishte shpallur në kërkim ndërkombëtar nga SPAK për vrasjen e Erigers Mihasit, anëtarit të “grupit” të Ervis Martinajt si dhe të Santiago Malkos.
Leonard Duka njihet si kreu i klanit “Duka” dhe një ndër rivalët kryesorë të ish-bosit të lojërave të fatit Ervis Martinajt, i cili rezulton i zhdukur që prej gushtit të vitit të kaluar.
