“Arrest me burg” ka caktuar Gjykata e Tiranës ditën e sotme për drejtorin e një banke në kryeqytet i cili duke shpërdoruar detyrën vodhi 30 mijë dollarë, nga llogaria e një klienti.
Bëhet fjalë për 35-vjeçarin Florant Nako, drejtor i një filiali banke në Tiranë, i cili do të qëndrojë në qeli në vijim të hetimeve.
Gjithçka mësohet se është kryer nga Nako, duke përdorur të dhënat e klientit, ku ka kryer një transaksion për të përvetësuar paratë.
Mësohet se Nako ka thënë se paratë i duheshin për të paguar dëmet e një aksidenti.
Policia e Tiranës tha zyrtarisht se operacioni i koduar “Bankieri” ka vënë në pranga drejtorin e një banke, i cili duke shpërdoruar detyrën, ka vjedhur një shumë të madhe parash në llogarinë rrjedhëse të një klienti.
35-vjeçari akuzohet duke shfrytëzuar pozicionin e tij si drejtor i një filiali të një banke të nivelit të dytë, ka vjedhur në llogarinë rrjedhëse të një klienti, një shumë prej 30.000 dollarësh amerikanë.
Ndaj të dyshuarit materialet iu referuan Prokurorisë, për veprime të mëtejshme, për veprën penale “Vjedhja e kryer duke shpërdoruar detyrën”.
/a.r
