Gjykata e Sarandës ka njohur Albi Mecinin me masën e sigurisë “Arrest ne burg” të vendosur në mungese ndaj tij për veprën penale “rrëmbimi ose mbajta peng e personit”, pasi akuzohet për zhdukjen e Leonard Thodhorit dhe Fatmir Sulovarit, disa muaj më parë në qytetin bregdetar.
Albi Mecini akuzohet për veprën penale “rrëmbimi ose mbajta peng e personit” për ngjarjen e prillit, ku në rrethana misterioze u zhdukën pa asnjë gjurmë ‘Koçole’ dhe miku i tij.
Ai u arrestua pak ditë më parë me 2 çanta me 21 kg eksploziv, ndërsa për këtë vepër ndaj tij u caktua masa ‘arrest me burg’.
Albi Mecini u shoqërua nga një furgon i Drejtorisë se Përgjithshme te Burgjeve në Gjykatë ndërsa në mbështetje për ruajtjen e perimetrit të sigurisë shkuan forcat e FNSH të pajisura me antiplumb.
Seanca u kryesua nga Gjyqtari Alban Vecani, ndërsa Prokurore ishte Esmeranda Basho./f.s
