Është raportuar se është ngritur urdhër-arrest për 14 serbë të Kosovës, që kërkohen për krime lufte. Radio “Kontakt Plus” ka lajmëruar se në të gjitha stacionet policore të Kosovës, përfshirë edhe vendkalimet kufitare dhe aeroportin e Prishtinës, është dërguar urdhri për arrestimin e këtyre personave, transmeton Koha.net.
Gjykata e Pejës, sipas po të njëjtit burim, e ka sjellë këtë vendim në bashkëpunim me prokurorin special të Kosovës për krime lufte, krim për të cilin të dyshuarit serbë mund të dënohen me burgim disavjeçar.
Ndërsa avokati Ljubomir Pantoviç ka thënë për “Tanjug” se Prokuroria Speciale e Kosovës, e cila ka juridiksion kur bëhet fjalë për krimet e luftës, ka shumë shumë raste në të cilat serbët ndiqen penalisht për krime lufte, dhe sipas tij ky rast i Pejës e konfirmon këtë.
