Gruaja indoneziane, Siti Aisyah, e cila është akuzuar për vrasjen Kim Jong-nam, vëllai i liderit komunist, Kim Jong-un, është liruar, pasi akuzat ndaj saj janë hedhur poshtë.
Aisyah ishte akuzuar për vrasje të Kimit, në aeroportin e Kuala Lampurit, duke i hedhur në fytyrë, agjent nervor, VX.
Ajo dhe e akuzuara tjetër vietnameze, Doan Thi Huong, mohojnë të kenë kryer vrasje.
Kim humbi jetën pas 20 minutash kur ishte rrugës për në spital teksa më vonë është vërtetuar se ai i është ekspozuar agjentit nervor, VX.
Siti dhe Doan Thi Huong, nga Vietnami, u akuzuan për vrasjen e Kim Jong-nam në aeroportin e Kuala Lumpur në shkurt të vitit 2017. Gratë u akuzuan se kishin plasur agjentin nervor VX dhe ia hodhën në fytyrë ndërsa priste të hipte në fluturimin e radhës për në Macau. Ai vdiq brenda 20 minutash.
Pas disa muajve të shtyrjes së gjykimit, procesi ishte planifikuar të vazhdonte të hënën, mirëpo prokurori i rastit ka kërkuar që Siti Aisyah të lirohet, pa dhënë ndonjë arsye.
Në një letër dërguar ministrit indonezian të Drejtësisë, Prokurori i Përgjithshëm i Malajzisë, ka sqaruar vendimin duke e arsyetuar lirimin e Aisyah me çështjet e ngritura nga Xhakarta, si dhe me marrëdhëniet e mira në mes të të dyja shteteve.
Gjyqtari i rastit ka pranuar kërkesën për lirimin e gruas së akuzuar, e cila në rast të ndëshkimit do të mund të përballej me dënim me vdekje.
