Akuza më e fundit, e bërë nga kreu i Partisë Demokratike ndaj kryeministrit të Shqipërisë është se “Rama ka shkuar në SHBA që të bëjë gati një tjetër vjedhje me ligj, të vjedhë territorin e konsullatës shqiptare atje për të ngritur një gradaçelë me miqtë e tij, për të marrë pjesën e tij nga kjo pronë publike e shtetit shqiptar”.
I pyetur rreth kësaj akuze nga Eni Vasili, por edhe për shpenzimet “e luksit” që pretendon PD, Rama u përgjigj me një pyetje retorike se përse duhet të shkonte në SHBA për ta bërë këtë, teksa theksoi se të gjitha shpenzimet e tij dhe të familjarëve janë të deklaruara.
“Njerëzit meritojnë shumë më tepër respekt kur komunikojmë për ta, kjo lloj gjuhe është një fyerje për shqiptarët. Të gjitha shpenzimet e mia familjare, deri tek ato më të imtat janë të deklaruara”, u shpreh Rama.
/b.d
