Botuesi i gazetës “Shqiptarja.com”, njëherësh dhe pronari i “Report TV” Carlo Bollino ka hedhur në gjyq ish-kryeministrin e vendit Sali Berisha për shpifje. Data e regjistrimit të padisë civile ka qënë 28 shtatori i këtij viti, dhe ka në thelb shkaktimin e dëmit jopasuror, ku sipas nenit 608-654 kërkon dëmshpërblim për dënimin jopasuror prej 5.000.000 lekësh.
Gjykata e shkallës së parë e ka marrë çështjen civile nën administrim dhe ka caktuar dhe gjyqtarin e çështjes, pikërisht Ilir Çelikun. I cili ka dënuar kohë më parë me gjobë ministrin aktual të Brendshëm Saimir Tahiri.
Ish-kryeministri Sali Berisha në faqen zyrtare të Facebook, ka postuar nje deklarate me përmbajtje si më poshtë:
“Ja si vjedh Rama me Bolinon e tij, njeriun, mafiozin 24 karatesh karboni, te akuzuar per lidhje financiare me Sacra Corona Unita, sharlatanin qe servir shqiptareve lajme sikur i dergon nga Xheriko, kur ne fakt i shkruante nga Marikaj”.
Vlen te theksohet se edhe me pare, Berisha ka publikuar ne faqen e tij te Facebook-ut te dhena te tilla, që Bollino nënvizon se janë me qellimin e vetem, cenimin e dinjitetit, imazhit, nderit, personalitetit, reputacionit dhe presitigjit e tij. Me konkretisht ne daten 07.01.2016, ish-kryeministri ka botuar nje postim nga permbajtja e te cilit rezulton se ai deformon faktet duke i atribuuar botuesit të njohur, fakte te cilat nuk ekzistojne. Me konkretisht citojme:
“Edi Rama me Karlo Bolinon dhe Dixhitalbin rrembyen 1.7 mil Dollare, te buxhetit qe ruheshin per ndihme ne emergjencat civile…. ( ne vijim)
Duke denuar keto qendrime te papergjegjshme, te qeverise, ndaj te permbyturve, i bej thirrje prokurorise, te nise me urgjence hetimin, per vjedhjen e fondeve te emergjences civile, nga Rama dhe Bolinot e tij”.
Ne te njejten date, ne llogarine personale te facebook-ut te te Sali Berishës, jane postuar nga ky i fundit, te dhena te tjera që nga Bollino cilësohen si të paverteta, te cilat e paraqesin Carlo Bolino, si “ortak te shoqerise qe sipas Berishës, duke shfrytezuar njohjet me Kryeministrin Edi Rama ka fituar nje tender ne vleren 170 milionë lekë te rinj”.
Po keshtu Sali Berisha, ne artikullin e publikuar prej tij ne facebook, ka thene se, “Carlo Bolino me ane te shoqerise TBS96, duke anashkaluar procedurat e tenderimit, ka furnizime pajisjesh radiolink, per updatimin e sistemit TIMS, ne vleren e 1 miliarde lekeve”. Të gjithë këto Bollino i cilëson shpifje dhe për këtë kërkon një dëmshpërblim prej 50 milionë lekë të vjetra.
Postojmë të plotë marrjen e çështjes në dorëzim nga gjykata e shkallës parë:
Detaje të çështjes civile Nr. 13079
Gjykata e shkallës së parë
Nr. i Çështjes: 13079
Dt. e regjistrimit: 28.09.2016
Paditesit: Carlo Bollino
Te paditurit: Sali Berisha
Lloji i Çështjes: Padi Shkaktim Demi (Neni 608-654)
Baza Ligjore: Neni 608 – 654
Objekti: Detyrimi i pales se paditur per te shperblyer demin jo pasuror te shkaktuar paditesit, ne masen 5.000.000 (pese milione) leke. Detyrimi i pales se paditur per te publikuar nje pergenjeshtrim te pershtatshern ne faqen e pare te dy gazetave kombetare, me qellim sqarimin e natyres abuzive dhe te pavertete te deklarimeve te botuar ne faqen e tij ne Facebook, ne daten 07.01. 2016 dhe 20.06.2016
Statusi i dosjes: Gjykim
Gjyqtari: Ilir Çeliku
