Ish-kryeparlamentari Kadri Veseli do të dalë ditën e sotme (10 nëntor) në orën 15:00 përpara Gjykatës Speciale të Hagës.
Seanca e tij do të jetë publike, ashtu sikurse ishte një ditë më parë gjyqi për ish-presidentin Hashim Thaçi dhe ish- kreun e Kuvendit, Jakup Krasniqi.
Pas aktakuzave të konfirmuara më 26 tetor 2020 dhe arrestimit nga Eulex disa ditë më parë, Veseli do të dalë sot në bankën e të pandehurit.
Dalja e tij mund të përcillet përmes transmetimit në internet me një vonesë të shkurtër. Ndërsa ish-shefi i Grupit Parlamentar të VV’së, Rexhep Selimi, do të paraqitet para Gjykatës Speciales për herë të parë të mërkurën (11 nëntor) në orën 11:00.
Dje në Gjykatë dolën, ish-presidenti Hashim Thaçi dhe ish-kryeparlamentari tjetër, Jakup Krasniqi. Të u deklaruan të pafajshëm duke hedhur poshtë të ngritura ndaj tyre, megjithatë procesi ende vijon.
g.kosovari
