Ish-ministri i Brendshëm Saimir Tahiri nesër do të dalë para Gjykatës së Krimeve të Rënda për verifkimin e masës së sigurisë pas vendimit ditën e shtunë që e la në ‘arrest shtëpie’.
Ora e saktë se kur do të dalë para gjykatës ende nuk dihet, ndërsa nesër Tahiri nga shtëpia për në gjykatë do të shoqërohet nga uniformat blu.
Ai akuzohet për “Trafik të narkotikëve” në formën e “Grupit të strukturuar kriminal” dhe “Korrupsionit Pasiv i funksionarëve të lartë shtetërorë ose i të zgjedhurve vendorë” në kuadër të hetimeve per dosjen Habilaj.
Avokati i Tahirit Maks Haxhia ka paralajmëruar ditën e djeshme se vendimi i Gjykatës së Krimeve të Rënda për masën e sigurisë për ish-ministrin do të apelohet, pasi nuk ka asnjë provë të re kundër tij. /b.d
