Ministri i Shëndetësisë Ilir Beqaj, njëherazi bashkëthemelues i kompanisë “Intech +” është shkëputur zyrtarisht nga kompania në vitin 2013, përpara se të dekretohej nga Presidenti i Republikës në funksionin e ministrit.
Ministri Beqaj i ka shitur aksionet e kompanisë tek bashkëthemeluesi i “Intech +”, person me të cilin Ilir Beqaj nuk ka asnjë lidhje familjare.
Që nga momenti i shitjes së aksioneve, përmes një kontrate ligjore, Ministri Beqaj nuk ka patur asnjë lloj përfitimi nga kompania “Intech +”, as në formën e dividentit, as në formën e shpërblimit, as në formën e punësimit dhe as në ndonjë formë tjetër. Ministri Beqaj është shkëputur plotësisht nga kjo kompani, me të cilën nuk ka asnjë lidhje dhe asnjë lloj ndikimi.
Pretendimi se kompania “Intech +” ka patur rritje të konsiderueshme të xhiros gjatë dy viteve të fundit është gjithashtu i pavërtetë. Siç tregon tabela e mëposhtme, xhiro e kompanisë në dy vitet e fundit është brenda parametrave të historikut të saj 11 vjeçar, madje, qoftë në vitin 2011, qoftë në vitin 2008, kompania në fjalë ka patur një xhiro edhe më të madhe.
Tabela në vijim e publikuar në transparenca.al, pasqyron xhiron vjetore në vite të kompanisë “Intech+” Sh.p.k.:
| 2004 |
56,736,520 |
| 2005 |
48,868,610 |
| 2006 |
71,296,414 |
| 2007 |
153,864,182 |
| 2008 |
223,848,004 |
| 2009 |
159,970,150 |
| 2010 |
61,909,969 |
| 2011 |
269,229,890 |
| 2012 |
130,608,660 |
| 2013 |
63,326,678 |
| 2014 |
206,814,248 |
| 9M 2015 |
160,260,539 |
