Deputeti socialist Taulant Balla, ka reaguar për akuzat e Sali Berishës ndaj ambasadorit gjerman Helmut Hoffman, në cilësinë e tij si kryetar i grupit parlamentar të miqësisë mes Shqipërisë e Gjermanisë. Balla i ka bërë thirrje ish kryeministrit që të mos përfshijë në betejën politike shqiptare edhe ambasadorë të vendeve të huaja si dhe të tërhiqet nga deklaratat e tij të për ambsadorin gjerman.
“Natyrisht do ishte shume e mirepritur besoj edhe nga te gjithe anetaret e grupit te miqesise me Gjermanine qe ishkryeministri te terhiqej publikisht nga akuzat e pakuptimta per ambasadorin, po mbase kjo eshte nje kerkese e tepert per natyren e tij shume konfliktuale. Keshtu qe le te mbetet kjo e sotmja nje kujtese per te ardhmen dhe le ta zhvillojme betejen politike mes nesh, pa i ndare edhe ambasadoret ne pale sepse faktikisht as jane pale dhe as nuk i sherben Shqiperise nje qasje kaq jokonstruktive me ta”, shkruan Balla.
Më parë në një takim me gazetarët Berisha tha se ambsadori Hoffman bëri avokatinë e qeverisë në rastin e protestës së 8 dhjetorit, dhe u shqetësua më shumë për bunkierin sesa për zgjedhjet e 21 qershorit.” -tha Berisha.
“Me ambasadorët kam mirëkuptim të plotë për thirrjet e tyre për të shmangur dhunën. Mendoj se Hofman duhet të ishte tronditur shumë më tepër për zgjedhjet, por kur merr përsipër të bëjë avokatinë e qeverisë që në fillim, e ke vështirë të tronditesh për gjëra që si interesojnë qeverisë.”-tha Berisha
Fjala e plotë e deputetit Taulant Balla:
“Ne cilesine e kryetarit te Grupit Parlamentar te Miqesise Shqiperi – Gjermani ne Kuvendin e Shqiperise, shpreh keqardhje per gjuhen e perdorur nga ishkryeministri i vendit ndaj ambasadorit te Gjermanise ne vendin tone, Shkelqesise se Tij, Helmut Hoffmann.
Besoj se ndaj me te gjithe shqiptaret dhe koleget e mij deputete pa dallime partiake, bindjen se nuk eshte e mire qe ne polemikat tona te perfshijme miqte dhe partneret e Shqiperise.
Nuk eshte e mire qe nje ambasador, aq me teper i nje vendi mik dhe te rendesishem si Gjermania, te perfshihet ne shenjestrat politike te cilesdo parti apo te kujtdo politikani.
Nuk eshte e mire padyshim edhe qe kete ta beje nje nder ishzyrtaret me te larte te vendit qe sot eshte edhe lideri shpirteror i partise me te madhe te opozites.
Prandaj, duke e siguruar edhe njehere ambasadorin Hoffmann se si shumica ashtu edhe pakica ne Kuvend, ruajme ndjenjat me te sinqerta te respektit e te miqesise per Gjermanine dhe per ate vete, dua t’i kerkoj po kaq sinqerisht deputetit Sali Berisha te mos i perfshije here tjeter ambasadoret ne listen e kundershtareve te tij. Natyrisht do ishte shume e mirepritur besoj edhe nga te gjithe anetaret e grupit te miqesise me Gjermanine qe ishkryeministri te terhiqej publikisht nga akuzat e pakuptimta per ambasadorin, po mbase kjo eshte nje kerkese e tepert per natyren e tij shume konfliktuale.
Keshtu qe le te mbetet kjo e sotmja nje kujtese per te ardhmen dhe le ta zhvillojme betejen politike mes nesh, pa i ndare edhe ambasadoret ne pale sepse faktikisht as jane pale dhe as nuk i sherben Shqiperise nje qasje kaq jokonstruktive me ta”, shkruan Balla.
