21 janari do të përfundojë në koshin e harresës, njëlloj si gjithë ngjarjet e rënda në këtë vend, të cilat kanë autor Sali Berishën.
Gazetari i njohur Fatos Mahmutaj, në një lidhje për Dritare Tv, thotë se e majta ka dështuar sa i takon reformës në drejtësi.
Në bisedën me gazetaren Jonida Hitoveizi, Mahmutaj tha se Berisha do t’i shëptoj drejtësisë ashtu siç ka ndodhru përgjatë këtyre 30 viteve nga ngjarjet e 2 prillit në fillim të viteve 90-të, tek zhdukja e Remzi Hoxhës dhe familjes së Haklajve e deri tek Gërdeci e 21 janari.
“Pas plagosjes time më erdhën njëra pas tjetrës problemet, për shkak se ish-kryeministri i kohës, Sali Berisha në një konferencë shtypi, rreth një orë e pak pas plagosjes sime deklaroi shprehimisht: “Flitet sikur është një telekronist i plagosur, po mos i besoni, sepse i biri i Kristaq Ramës kërkon të përhapë panik në lidhje me krimet që ka bërë në shesh. Kjo u bë shkak që unë të persekutohesha në kuptimin e vërtetë të fjalës. Për këtë shkak përfundova në azil dhe në 12 vite nuk kam heshtur as në 21 janar as përtej tij. Nuk kam kërkuar ndonjëherë dëmshpërblim monetar. Mbi të gjitha mendoj që gjaku im i derdhur nuk mund të vlerësohet me para, për mua dëmshpërblimi më i mirë është të vihen para drejtësisë ekzekutorët dhe urdhëruesit e 21 janarit.
Por siç duket shpresat dhe për këtë janë të pakta.
Për aq sa u vu përpara drejtësisë për zhdukjen e Remzi Hoxhës, për aq sa u vu para drejtësisë për montimin e një grupi si Hakmarrja për Drejtësi dhe Berishës nuk i hyri gjemb në këmbë, kemi çështjen e ngjarjeve të 2 prillit të cilën e realizoi Berisha për të ardhur në pushtet dhe ja ku e ke Berishën sot pas 33 vjetësh. Ne e nisëm në 90 me Berishën dhe 2023 jemi prap me Berishën.
Unë mendoj që edhe ngjarja e Gërdecit edhe vjedhja galopante e rrugës së Kombit, edhe çështja e zhdukjes së biznesmenti Remzi Hoxha, edhe 21 janari edhe zhdukja e familjes së Haklajve që kanë përfunduar me harrresë, kështu do të përfundojë dhe 21 jaanr.
Në përpjekjet për të reformuar sistemin e drejtësisë e majta ka dështuar”, deklaroi gazetari./m.j
