Demokratike dhe aleatët zhvilluan sot në Shkodër mbledhjen e grupeve të deputetëve, teksa në Tiranë zhvillohej seanca plenare që çeli sesioin e ri parlamentar.
Opozita zgjodhi Shkodrën, një strategji kjo e ndjekur për të dhënë mesazhe nga qyteti i tronditur nga disa krime të rënda së fundi.
Edhe mesazhet e krerëve të opozitës u përqendruan pikërisht te situata e krimit, duke akuzuar kryeministrin Edi Rama.
Por, një prej akuzave të liderit të PD i shpëtoi vëmendjes mediatike. Ai tha se në Shkodër u morën peng dy fëmijë, por u liruan pasi mafia arriti objektivin. Sipas Bashës, ngjarja u mbajt e fshehtë.
“Në më pak se 3 muaj, në këtë qytet kanë ndodhur 6 vrasje tronditëse mafioze dhe janë rrëmbyer të paktën 2 persona, për fatin e të cilëve dyshohet më e keqja. Ndërkohë, nga media lokale raportohet se para një jave ka ndodhur edhe rrëmbimi i 2 fëmijëve, si pjesë e skemave mafioze, të cilët për fat të mirë nuk janë dëmtuar dhe janë rikthyer në gjirin e familjes, por vetëm pasi mafia dhe krimi i organizuar kanë arritur qëllimet e tyre të gjobëvënies. Kjo është situata në Shkodër, për shkodranët që e dinë fare mirë dhe për çdo shqiptar”, deklaroi Basha./a.m.
