Ky është investim i nisur në vitin 2007, punimet e të cilit kanë përfunduar në vitin 2013, por që ende nuk është marrë në dorëzim nga Bashkia Sarandë dhe Agjencia Kombëtare e Ujësjellës Kanalizimeve për shkak të problemeve të herëpashershme të shfaqura gjatë këtyre viteve. Sipas informacioneve nga Ujësjellësi i Sarandës, tubacioni kryesor është jashtë standardit dhe për rrjedhojë çahet shpeshherë.
Çarja e fundit ka bërë që ujërat e zeza, përveçse derdhen te Kanali i Çukës dhe nga këtu në det, degëzimi tjetër derdhet në Liqenin e Butrintit, duke rrezikuar seriozisht kultivimin e midhjeve. Sipas analizave të fundit të AKU, ato dalin me alert E. Coli, Salmonella, analiza këto të kryera në kuadër të PKM Molusqe, në 19 prill 2018.
Situata e krijuar përkthehet në atë që midhja në liqenin e Butrintit është e ngarkuar me baktere dhe se konsumimi i saj bëhet vetëm në rastet kur kultivues të tyre para se ta tregtojnë atë, duhet ta çojnë për ta deporuar atë, gjë të cilën nuk e bëjnë të gjithë.
Atëherë, kjo midhje e ngarkuar me bakterin E.coli është e rrezikshme për konsumatorin, veçanërisht për ata që e marrin atë nga tregtarë të rrugës dhe me bidonë, që të tillë në Sarandë gjen me shumicë.
“Bazuar në urdhrin nr. 24 datë 30.01.2013 ‘Për unifikimin e procedurave, metodave dhe dokumentacionit të funksionimit të laboratorëve’, ju informojmë se gjatë analizimit mikrobiologjik të kampionit molusk bivalv i gjallë (M.galloprovincialis), analizuar më datë 19.04.2018, u konstatuan nivele mbi normë me E.coli. Kampioni u analizua në kuadër të treguesit të higjienës dhe sigurisë (E.coli, Salmonella spp.), ndërsa analizat janë kryer në kuadër të PKM Molusqe”, shprehen ISUV në fletën përcjellëse dërguar AKU, Sarandë. Pas kësaj, AKU e Sarandës ka vënë në dijeni subjektet (restorante etj.), të mos i pranojnë pa kaluar nga stacioni i deporimit dhe vetë midhja të tregtohet e shoqëruar me fletë përcjellëse. Në vitin 2007 u bë përurimi i fillimit të punimeve të Impiantit të Ujërave të Zeza, pozicionuar në fshatin Çukë. 4 milionë dollarë ka qenë financimi që Banka Botërore dhe Banka Europiane për Zhvillim kanë dhënë për ndërtimin e impiantit të përpunimit të ujërave të zeza.
Tenderin për ndërtimin e impiantit e fitoi atëherë një firmë italiane, ndërkohë që kontraktor është një firmë nga Fieri. Kur u bë përurimi i nisjes së punimeve, u tha se Impianti i Ujërave të Zeza do të ketë një funksion bazë dhe se pas përpunimit komplet të ujërave të zeza, në këtë impiant uji do të kthehej përsëri në kanalin e Çukës, i pastër 95 për qind./panorama
Reagon ish ministri i Bujqesise
Edhe ish-ministri i Bujqësisë, Edmond Panariti ka dhene lajmin aspak të mirë në prag të sezonit veror, për të gjithë ata që janë të apasionuar pas prodhimeve të detit. Panariti thotë se nuk duhet të konsumojnë midhjen e Sarandës, pasi është prekur nga salmonela. Ai shton se gjithçka është e qëllimshme dhe askush nuk merr masa, për t’i hapur rrugë midhjeve të importit.
STATUSI I PANARITIT
Ne pragun e sezonit, kur midhja e Butrintit pergatitet te jete ne menyte dhe pjatat e mijera turisteve qe po frekuentojne plazhet tona, doli lajmi i bujshem. “Midhja e Butrintit me salmonele”!!! Ndal konsumit te saj!! Nderkohe asnje raport zyrtar analitik mbi ngarkesen bakteriale, serotipin e identifikuar, mostrat e mbledhura metoden zbuluese te perdorur, si ku, nga? Pse tani?! Po me pare?!..Asnje prononcim sqarues, shterues nga institucioni monitorues dhe analizues. Shkurt një bllof, i paster per te nxjerre nga loja midhjen me cilesore te Mesdheut…duke demtuar ata dhjetra prodhues, qe kane pritur pikerisht kete cast për të fituar nga mundi i nje viti te tere perpjekjesh dhe sherbimesh!!………….. Por mos te merziteni te dashur turiste vendas dhe te huaj. Pa merak!! Nuk do mbeteni pa “molusqe” dhe fruta deti, sepse sapo na erdhi nje ngarkese e bolleshme e tyre nga importi.
ma.me
