Autoriteti Kombëtar i Ushqimit gjatë dy ditëve të fundit ka zhvilluar në Elbasan kontrolle rigoroze në kuadër të zbatimit të planit të monitorimit, në të gjitha subjektet që ofrojnë shërbimin e tregtimit të produkteve ushqimore.
AKU njofton se ka kryer 26 kontrolle zyrtare tek Operatorët e Biznesit Ushqimor, kryesisht tek ata me origjinë shtazore, joshtazore dhe produktet e mbrojtjes së bimëve; Gjatë kontrolleve janë marrë 6 mostra për kryerjen e analizave laboratorike ndërsa janë vendosur dhe 2 masa administrative “Paralajmërim” ndaj dy subjekteve.
Po ashtu është vendosur masa “Bllokim Produkti” për 1,267 litra pije alkoolike (raki, verë dhe konjak) në tre subjekte. Produktet, sipas AKU, do të qëndrojnë të bllokuara deri në daljen përfundimtare të pergjigjeve të analizave.
Ndërkohë AKU njofton se kontrollet do të vijojnë edhe në në subjekte të tjera.
