Autoriteti Kombëtar i Ushqimit, këtë mëngjes, kreu procedurën e asgjësimit të një sasie mishi mbi 2 ton, të bllokuara gjatë inspektimeve të ditëve të fundit pasi rezultonte pa vulë veterineri dhe çertifikatë origjine.
Asgjësimi u bë te frigoriferët e nje firme në rrugën Arbanë-Visnje, aty ku mishi ndodhej i magazinuar.
Pas kësaj, sasia prej 2 tonë do të hidhet në Landfillin e Sharrës.
Gjithashtu AKU njofton se pas inspektimit dhe asgjësimit të mishit, në gjithë vendin janë mbyllur 83 subjekte ku është konstatuar produkti i pakontrolluar./a.m.
