Aktorja nga Kosova, Vjosa Mala do të jetë në festivalin “The One” të New Yorkut. Prej datës 23 deri në 29 prill në New York zhvillohet festivali “The One”, një platformë në të cilën interpretues të ndryshëm dhe krijues solistë kanë një mundësi për të shfaqur talentin e tyre.
“The ONE Festival” u krijua në vitin 2006. Themeluese e festivalit ishte një veterane e skenës së teatrit të New Yorkut, e përfshirë në drejtimin dhe prodhimin e interpretimit solo teatror, prej vitit 1993.
Festivali është kthyer në një vitrinë vjetore për zërat më emocionues dhe inovativë të intepretimit teatror solo në të gjithë botën, i cili zhvillohet në Neë York City.
Në edicionin e 13 të tij merr pjesë dhe një artiste e talentuar nga Kosova, Vjosa Mala. Ajo vjen me pjesën teatrale “Rozi’s Fate”, “Fati i Rozës” shkruar dhe intepretuar nga vetë ajo, me regji te Kreshnike Osmanit dhe muzikë të Arbër Krasniqit dhe koreografi të Driton Saqipit.
Pjesa teatrale bazohet tek legjenda e njohur shqiptare mbi kështjellën e Rozafës, që flet rreth fatit të një gruaje dhe nëne të re, e zgjedhur për t’u sakrifikuar duke u varrosur në muret e kështjellës, përgatiti ”VoA”. (b.an)
