Aktori i njohur në ‘Portokalli’ Erion Isai, do të bëhet baba së shpejti. Erioni është i njohur më së shumti për rolin e tij më Bes Kallakun në dyshen PS-LSI. E fejuara e tij është Ajlin Petrela, është nga Tirana dhe ndryshe nga Erioni, ajo punon pranë Drejtorisë së Kulturës në Bashkinë e Tiranës.
“Presim vajzë dhe është emocion më vete”, kështu e ka dhënë ditën e sotme lajmin për herë të parë, aktori i Portokallisë Erion Isai.
Ndërkohë që njohjen me të fejuarën Erioni e kujton në këtë mënyrë: “Me Ajlin jemi njohur në Akademinë e Arteve të Bukura, pasi jemi diplomuar të dy për regji. Historia jonë nisi gjashtë vite më parë, që kur ishim studentë dhe tashmë presim të bëhemi prindër për herë të parë”, tha Erioni në intervistën për “Panorama”.
