Përfaqësues të Lëvizjes Vetëvendosje janë mbledhur para Gjykatës së Tiranës e cila pas pak çastesh do të japë masën për tetë të arrestuarit për protestën në lidhje me shembjen e Tetarit Kombëtar. Të tetë të arrestuarit janë të Lëvizjes së Vetëvendosjes dhe akuzohen për ‘krijim të tubimeve të paligjshme dhe kundërshtim të forcave të policisë’.
Për shoqërimin dhe arrestimin e këtyre protestuese ka reaguar edhe zëdhënësi i Lëvizjes Vetëvendosje i cili thotë se arrestimi i Bojken Abazait, kreut të VV në Tiranë, është politik. Këtë ka deklaruar edhe presidenti i Republikës Ilir Meta me anë të një reagimi në rrjetet sociale, i cili ndër të tjera thotë se prishja e Teatrit ishte kryevepra e asgjesimit përfundimtar të çdo iluzioni për ekzistencën e shtetit të së drejtës në Shqipëri.
Për shembjen e Teatrit dhe protestat që pasuan pati shumë të shoqëruar në polici, por për momentin të arrestuar janë vetëm tetë personat e Lëvizjes Vetëvendosje. Ndërkohë para gjykatës aktivistë të VV mbajnë pankarta në duar me mbishkrime: “Kush mbron Teatrin shkon në burgë!”
Të arrestuarit për masë sigurie
Erik Mërtiri
Endrit Mërtiri
Bojken Abazi
Kastriot Qema
Romeo Lilo
Ledion Xhoxhaj
Burim Tafilica
Sokol Ndoja
Gjyqtar Albert Meça
/e.rr
