Qeveria rishikon buxhetin për vitin 2016, sipas të cilit është ulur parashikimi për mbledhjen e të ardhurave, por edhe për shpenzimet.
Përmes një Akti Normativ i cili u botua të premten në Fletoren Zyrtare, të ardhurat për vitin 2016 janë 414 494 milionë lekë, shpenzimet 450 224 milionë lekë, ndërsa defiçiti 35 730 milionë lekë.
Ndrësa në fillim të vitit qeveria parashikonte që të ardhurat të ishin 418 894 milionë lekë, shpenzimet 453 325 milionë lekë, ndërsa defiçiti 34 431 milionë lekë.
Në nenin 11, numri i përgjithshëm punonjësve në organikë ndryshohet dhe bëhet 80 970 vetë nga 81 147 që ishte në fillim të vitit.
Stoku i borxhit shtetëror (pa përfshirjen e detyrimeve të prapambetura) vlerësohet të arrijë në 1 089 502 milionë lekë, nga ku stoku i borxhit shtetëror vlerësohet të arrijë në 1 029 372 milionë lekë dhe stoku i borxhit të garantuar vlerësohet të arrijë në 60 130 milionë lekë.