Prokuroria për krim të organizuar në Beograd ka ngritur aktakuzë kundër Nebojsha Çoviç. Ish-shef i Qendrës Koordinuese për Kosovën në Qeverinë e Serbisë, dhe gjashtë personave të tjerë për shkak të keqpërdorimit të parave të dedikuara për serbët e Kosovës. Sipas aktakuzës, shkruan N1 që e transmeton Koha.net, që përfshin periudhën nga janari i vitit 2003 deri në shtator të 2005, ata ngarkohen se me rastin e blerjes dhe ndërtimit të patundshmërive kanë keqpërdorur detyrën dhe autorizimet e personit të autorizuar dhe për marrje ryshfeti. Prokuroria për krim të organizuar e Beogradit, me aktvendimin për zhvillim hetimesh, në gusht të vitit 2014 ka hapur hetimet kundër Nebojsha Çoviçit, ish-sekretares së Qendrës Koordinuese, Angjellka Radenkoviçit, ish-shefit të Qarkut të Mitrovicës, Dragan Kallabës dhe pronarit të firmave private Komgrap gradnja, Daki dhe Masters. Ata dyshohen për përfitime pasurore të kundërligjshme me një shumë prej 10 milionë eurosh.
Sipas N1, prokuroria dyshon se me rastin e blerjes së patundshmërive në pjesën veriore të Mitrovicës, Çoviç, Radenkoviç dhe Kallaba, se duke u marrë vesh paraprakisht me pronarët e firmave private kanë bërë të mundshme që në bazë të dokumenteve fiktive të bëjnë pagesa të kundërligjshme.
