Gjatë mbledhjes së djeshme të Këshillit Bashkiak në Elbasan këshilltarët e djathtë, kanë reaguar për mbifaturimin e energjisë elektrike, kryesisht muajin e fundit.
Këshilltarët e djathtë u shprehen se është e padrejtë që fatura e energjisë elektrike të kalojë cakun e asaj që lexohet në sahatin e çdo qytetari.
“Këtë shqetësim e ngre duke thirrur edhe pjesën e shoqërisë civile, që t’i bashkëngjiten kësaj nisme, për të mos paguar faturën e energjisë elektrike.
Nëse u referohemi matësave, nuk është djegur as gjysma e asaj që është në faturë. Dhe nëse nuk paguhet në afatin e caktuar, OSHEE-ja pret energjinë elektrike. Kjo faturë është dyfishuar për çdo familje për këtë muaj. Ndoshta ky shqetësim nuk i përket Këshillit Bashkiak, por ne përfaqësojmë interesat elbasanase”, tha njëri prej këshilltarëve të djathtë.
