Aksioni kundër informalitetit, Rama: Nuk prekim biznesin e ndershëm
Një ditë para nisjes për aksionin kundër informalitetit, kryeministri Edi Rama ka paralajmëruar se ky operacion nuk do të jetë kundër biznesit por kundër atyre që vjedhin konsumatorin.
“Nesër nis operacioni më i rëndëishëm i këtij mandati, lufta kundër informalitetit, nuk nis nga zero, kalon në një fazë të dytë por vendimtare. Do te jetë një luftë frontale, jo kundër biznesit, por në aleancë me sipërmarrjet që zbaton lidhet dhe pahuan taksta dhe në mbrojtje të konsumatorit që grabitet përditë dhe nuk merr kuponin përpkatës”, theksoi Rama. Ai gjithashtu tha se një tjetër aksion, pas atij të energjisë elektrike do të jetë dhe aksioni për ujin e pijshëm.
Rama: Pas ndeshjes zyrtarizojmë projektin e përbashkët me Serbinë
Shefi i qeverisë ka nënvizuar se, që nga konferenca e Berlinit deri tek ajo e Vjenës është regjistruar një progres i jashtëzakonshëm politik në rajon.
“Ajo që vlen të theksohet është se kemi hyrë në një fazë ku progresi ka shërbyer për të rritur vëmendjen për avancimin e mbështetjes ekonomike e financiare për rajonin”, ka deklaruar Rama.
Sipas tij palët e përfshira në këtë proces të organizuar me nismë të kancelares Merkel kanë rënë dakord për financimet dhe investimet në infrastrukturën rajonale.
“Gjatë këtij viti është përcaktuar harta e ndërlidhjes përmes projekteve të përbashkëta në infrastrukturë. Prioritet në këtë drejtim është Korridori i Kaltër, që lidh Shqipërinë me Malin e Zi, ndërkohë që mbështesim edhe projektin e quajtur Rruga e Paqes, që lidh Serbinë, Kosovën dhe Shqipërinë përmes aksit Nish-Prishtinë-Durrës”, ka saktësuar Rama.
Një tjetër pikë në të cilën ai e ka vënë theksin ka qenë edhe arsimi, reforma për të cilin kërkon gjithashtu një mbështetje financiare. “Elementi kryesor për të ardhmen e të rinjve është pikërisht rrjeti i arsimit profesional. Ne kemi nisur një reformë në këtë sektor sipas modelit gjerman, por duhet një mbështetje financiare për ta fuqizuar këtë rrjet”, ka thënë Rama.
