Bizneset e paligjshme janë trembur pas paralajmërimeve të qeverisë se duke filluar nga shtatori, do të çohen në ndjekje penale.
Ditët e fundit, në Qendrën Kombëtare të Regjistrimit ka pasur dyndje të bizneseve që regjistrohen për herë të parë dhe që formalizohen. Cdo ditë bëhen rreth 200 regjistrime fillestare, aq sa është totali i veprimeve që kryen QKR në një ditë të zakonshme pune për të gjitha llojet e shërbimeve që ofron, raporton Ora News.
Paralajmërimet e qeverisë se të gjitha bizneset e paligjshme do të çohen për ndjekje penale dhe serioziteti i shfaqur për të luftuar informalitetin duke filluar me aksionin e shtatorit ka trembur subjektet që punojnë duke shmangur rregullat. Ditët e fundit në Qendrën Kombëtare të Regjistrimit ka pasur dyndje të bizneseve që regjistrojnë për herë të parë aktivitetin e tyre dhe formalizohen.
Çdo ditë bëhen rreth 200 regjistrime fillestare, aq sa është totali i veprimeve që kryen QKR në një ditë të zakonshme pune për të gjitha llojet e shërbimeve që ofron.
Abër Abazi, përgjegjës i sektorit të Sportelit në QKR : “Fluksi ka qënë dhe vazhdon të jetë në rritje. Për ditët e fundit ka qenë një mesatare prej rreth 200 aplikimesh në ditë për regjistrimet fillistare. Bizneset janë ndërgjegjësuar, duan të formalizohen dhe kanë ardhur. Ne jemi të gatshëm dhe jemi të vendosur të shërbejmë sikurse edhe po e ofrojmë shërbimin tonë jashtë orarit të përcaktuar.”, thotë ai për Ora News.
Punonjësit e QKR-së shprehen se përveç orëve të zgjatura, në këto periudhë janë ndërprerë edhe pushimet dhe po punohet me kapacitet të plotë, duke ofruar shërbime në 8 sportele. Statistikat tregojnë se krahasuar më te njëjtën periudhë të një viti më parë, fluksi i bizneseve që regjistrohet për herë të parë është rritur me 89%. Subjektet e parregullta kanë afat deri në fund të muajit për t’u regjistruar dhe për t’u bërë formalë. Pasi në shtator do të nisë aksioni i paralajmëruar nga qeveria kundër informalitetit, me kontrolle intensive dhe masa të forta deri në ndjekje penale kundër të paligjshmve.
